|
| 對上一次寫網上日記已是大半年前的事, 真係時間飛逝.
剛過了一個很過癮的聖誕, 做番一d已很久沒有做的事:
1. 平安夜著番詩班袍, 扮天使唱「夜半歌聲」, 搞笑之餘, 仲要攞到小組冠軍, 真係唔講得笑.
2. 26/12去打教會同其他神召會的四角籃球賽, 一星期前西環堂才決定組隊女子隊, 但唔夠人, 我幾年無打波, 膽粗粗做後備, 估唔到都俾我入到一球, 真係LUCKY到痺.
3. 打波之餘仲同西環的弟兄姊妹做了成日暴民啦啦隊, 仲攞咗啦啦隊獎, 令我回想起與sam在中五六時一起帶啦啦隊連攞兩年冠軍o既事, 真係好happy.
4. 打完波同EDDIE仔班組員一齊返舊堂打邊爐, 幫阿龍, HILDA慶祝生日(可惜阿祺唔來), 雖然唔係食D咩好好野, 但勝在一Q清袋, 將雪櫃吃得o既都吃哂, 無浪費, 又GOOD!
最開心係小組都算齊人, (可惜都係少了step.及祺), 之前個個話唔一定來, 又怕大家會因心情唔好而放飛機, 好彩都無. 之後看大家的網上日記, 知道係我走了趕下場時, 組員仲大玩暴民vs警察, 似乎玩得好開心, 真感恩.
希望eddie仔尋日見到組員禁開心, 都會開心番d. 知道eddie仔做組長都做得好辛苦, 好努力仍好似未有好反應,
見到佢禁down都很想鼓勵佢多d, 最衰之前自己又忙, 無法支持佢, 換轉是我, 我都會覺得好孤單.
希望佢多d倚靠神去做神的工作, 不好放棄.
其實自己由10月起做o左pre-u組導師, 何嘗唔係好有壓力? 成日覺得自己唔知點至可以同大家熟d, 明白組員多d,
令大家組內的關係可以真係做到互相支持, 一起在主裡成長. 唯有求聖靈加力, 給耐性, 智慧, 不要放棄. 我始終相信,
你真心對人, 人是會見到的, 流淚撒種必歡呼收割. (行動第一步, 我今日已即刻add晒組員o既網上日記, 多d知道他們的喜與憂).
今日老公病了, 佢由聖誕前至今, 忙了一大輪, 終於忙完了就病倒了. 尋晚半夜仲頭痛到爆, 燒到38.5度, 我都嚇一跳. 希望之後佢有幾天可以輕鬆下, 多d休息快d好番啦.
| | |
|
上週日至四要往北京公幹, 開一個由內地與香港合辦, 有關婦女工作的研討會。雖然不是說要見那些重要人物, 也不需要作任何演講, 但由於是與自己新到職的大老闆一起去, 對方是出名要求高的人, 故自己感到很大的壓力, 感到戰戰兢兢。尤其擔心自己常要與她結伴, 甚至同房, 在較長時間的接觸相處中, 萬一說錯了甚麼, 會影響她對自己甚至其他同事的觀感。此外, 又需要在研討會中抓緊機會, 為自己機構在年底舉辦的國際論壇作宣傳。在之前需要趕印資料文件, 屆時又不知大會是否容許我們作宣傳, 我又可否在今次的會議中找到合適的講員或機構協助推廣, 還要抽空探望母親在當地的親戚和送上禮物等, 全都是我今次短短四天的任務。我一直為是次公幹禱告, 亦請大家記念整個過程。
感謝主, 祂給我的供應遠超出所求。有關宣傳資料剛好能趕及完成, 在大會中能作出適當的宣傳且反應不俗, 在當中認識到一些不錯的講員並順利取下資料方便日後聯系。還有, 恰好有時間抽空見到要見的親戚朋友, 一切都是出乎意料之外的順利。
更奇妙的是, 神連我最擔心與大老闆相處的事, 祂都解決。她在出發前表示, 由於自己不習慣與他人同房, 所以她會自己住單人房。在四天的旅途中, 又出奇地因為大會把她歸入貴賓隊伍, 與我所屬的一般參加者在很多安排上都分開進行, 甚至連坐飛機的時間都有不同。大老闆又希望我們盡量參加不同的環節以吸收經驗,
因此刻意要我分開參加不同的項目。結果, 我們相處碰面的機會自然並不多,
大大減少了我的擔心。神真的答允了我的禱告, 連很微細的部份都體貼、超出所想所求地應允了。感謝主！
| | |
| 第一次用呢d咁先進既網上日記，「自我感覺良好」！不過到無知有無時間寫日記，不過追上下潮流都好，唔好俾大家以為我好老套。
最希望透過日記同d組員多d了解啦！令到大家可以加加油，舒舒氣！
要特別鳴謝我的鍾牧師，因為是他幫我開日記及打這段東西，希望他日後也可以幫我打就好啦！咁我地關係就更好更深，我就真係加到油了！
| | |
|
